Art
SEE PICS: SONAM TOPDEN PERFORMANCE ON NEW YEAR 2078
Sherpa Music World organized a New Year Party 2078 with Sonam Topden and several other artists. It was a night where one enjoyed free flowing food and beverages and as artists kept entertaining with their performances through the night. The event was organized with appropriate precautions and adherence to all protocols, keeping in mind the safety of its guests during the ongoing pandemic.
Sonam Topden is a well-known young Tibetan singer, songwriter and composer. Topden is originally from India Manali and is based in Nepal. He gained popularity by singing cover songs in different languages including Tibetan, HIndi, Nepali and English via Facebook, YouTube. His recent project as a debutant in “Samhalincha Kahile Man” is scheduled to release on September 3, 2021. Directed by Sudarshan Thapa., the film features Pooja Sharma and Akash Shrestha.
नेपालमा पहिलो पटक आयोजना गरिएको ‘नेपाल आर्ट एण्ड कल्चर फेस्टिभल–२०२५’ शुक्रबारदेखि सुरू भएको छ।
राष्ट्रपति रामचन्द्र पौडेलले बबरमहलस्थित नेपाल कला परिषद्मा आयोजित समारोहमार्फत् महोत्सवको उद्घाटन गरेका हुन्।
.
उद्घाटन समारोहमा राष्ट्रपति पौडेलले कला, संस्कृति र सम्पदाको संरक्षण तथा प्रवर्द्धनमा सरकार र निजी क्षेत्र दुबै अग्रसर हुनुपर्नेमा जोड दिए।
उनले नेपाललाई विश्वमा चिनाउने प्रमुख आधार प्राचीन धरोहर र सांस्कृतिक सम्पदा भएको स्मरण गराए।
संस्कृति, पर्यटन तथा नागरिक उड्डयनमन्त्री बद्रीप्रसाद पाण्डेले महोत्सवलाई सांस्कृतिक पहिचानलाई अन्तर्राष्ट्रिय स्तरमा चिनाउने अवसरका रूपमा उपयोग गर्नुपर्ने बताए।
नेपाल पर्यटन बोर्डका प्रमुख कार्यकारी अधिकृत दीपकराज जोशीले यो महोत्सवले नेपाललाई कला र सांस्कृतिक धरोहरको भण्डारका रूपमा प्रस्तुत गर्ने विश्वास व्यक्त गरे।
नेपाल आर्ट काउन्सिलका अध्यक्ष सागर शमशेर राणाले यसलाई ‘वैश्विक सांस्कृतिक पर्व’को रूपमा विस्तार गर्ने योजना रहेको जानकारी दिए।
काठमाडौं, ललितपुर, भक्तपुर र कीर्तिपुरमा २३ दिनसम्म चल्ने महोत्सवमा ४० भन्दा बढी कार्यक्रम हुनेछन्। यसअन्तर्गत १५४ कलाकारका २७३ कलाकृति प्रदर्शनीमा राखिने छन् भने सांस्कृतिक प्रदर्शनी, संगीत–नृत्य, परम्परागत परिकार र जीवित संस्कृतिको अनुभव गर्ने अवसर उपलब्ध हुनेछ।
नेपाल पर्यटन बोर्ड, नेपाल आर्ट काउन्सिल, होटल व्यवसायी संघ लगायतको सहकार्यमा आयोजना गरिएको महोत्सव असोज ११ गतेसम्म चल्नेछ।
महोत्सव ‘नेपालको शाश्वत कला, संस्कृति, खानपान र सम्पदाको उत्सव’ भन्ने नारासहित सुरू भएको हो।
काठमाडौं, जुन २०२५
नेपाली चित्रकार तथा समकालीन कलाकार कृशा ताम्राकार सिंगापुरमा आयोजना हुने प्रतिष्ठित एशियन फेस्टिभल अफ चिल्ड्रेन्स कन्टेन्ट (AFCC) अन्तर्गतको वार्षिक बुक इलस्ट्रेटर्स ग्यालरी (BIG) मा आफ्नो कलाकृति प्रस्तुत गर्न चयन भएकी छन्। उनीद्वारा चित्रण गरिएको बालबालिकाको पुस्तक “A Cap for Pip” बाट लिइएका चित्रहरू यस वर्षको अन्तर्राष्ट्रिय प्रदर्शनीमा समावेश गरिएका छन्।
सिंगापुर बुक काउन्सिलद्वारा आयोजित AFCC एशियाकै प्रमुख बाल साहित्य महोत्सवमध्ये एक हो, जसले बालबालिकाका सामग्रीहरूलाई केन्द्रमा राख्छ। यस महोत्सवको विशेष आकर्षणको रूपमा रहेको बुक इलस्ट्रेटर्स ग्यालरी ले एशिया तथा विश्वभरका बाल साहित्यका उत्कृष्ट चित्रकलालाई सम्मान गर्छ।
“A Cap for Pip”, लेखक अनुराधाद्वारा लिखित र दि एसिया फाउन्डेसनको लेट्स रिड नेपाल कार्यक्रम अन्तर्गत प्रकाशित पुस्तक हो। यो रमाइलो बालकथा पिप नामक चञ्चल बाँदरको वरिपरि घुम्छ, जसले आमाको मन पर्ने टोपीप्रति चासो देखाउँछ। पिपको शरारतीपनले गल्ती गराउँछ—तर त्यसैबाट एक महत्वपूर्ण पाठ पनि सिक्छ। जब पिपले गल्ती सुधार्न खोज्छ, कथा प्रेम, परिणाम र मिलनका भावनात्मक पक्षहरू सहज रूपमा प्रस्तुत गर्छ। जीवन्त चित्रण र सजिलो भाषाले सजिएको यो पुस्तक बालपाठकहरूका लागि मननीय र शिक्षाप्रद छ।
ताम्राकारको यो सहभागिता उनको व्यक्तिगत करियरका लागि मात्र नभई सम्पूर्ण नेपाली कला तथा प्रकाशन क्षेत्रका लागि महत्वपूर्ण उपलब्धि हो। यसले अन्तर्राष्ट्रिय मञ्चमा नेपाली चित्रकारहरूको बढ्दो उपस्थिति र दक्षिण एशियाली अनुभवमा आधारित कथाहरूको विश्वसनीयता प्रकट गर्छ।
“यो नेपाली चित्रकला र दृश्य कथावाचनको अन्तर्राष्ट्रिय मान्यताको महत्वपूर्ण उपलब्धि हो,” भन्छन् प्रसिद्ध कलाकार तथा आर्टुडियोका संस्थापक कैलाश के श्रेष्ठ, जसले काठमाडौँमा स्थापना भएदेखि नै नयाँ पुस्ताका कलाकारहरूलाई समर्थन गर्दै आएका छन्। “कृशाको कामले नेपाली दृश्य कथाहरूको गहिराइ र संवेदनशीलता झल्काउँछ, र AFCC मा उनको सहभागिता बाल साहित्यमा उदाउँदै गरेका हाम्रो आवाजहरूको प्रभावशाली प्रतिनिधित्व हो।”
नेपाली सिर्जनात्मक उद्योग अन्तर्राष्ट्रिय स्तरमा अघि बढ्दै गर्दा ताम्राकारको यो उपलब्धि देशभरका आकांक्षी चित्रकार र कथावाचकहरूका लागि प्रेरणादायी उदाहरण बन्न पुगेको छ।
वरिष्ठ चित्रकार हरिप्रसाद शर्माका कलाकृति बबरमहलस्थित नेपाल आर्ट काउन्सिलमा ‘समयक्रममा नेपालः चित्रकलामा नेपालको इतिहास, संस्कृति र जनजीवन’ शीर्षकमा प्रदर्शनीमा छन्।
शुक्रबारदेखि सुरु भएको प्रदर्शनीमा काठमाडौं उपत्यकाको सांस्कृतिक जीवन, मल्लदेखि शाहकालसम्मका राजाहरू, चाडपर्व, दरबार संस्कृति र जनजीवन झल्काउने चित्रहरू देख्न सकिन्छ।
८८ वर्षीय शर्मा इतिहाससँग गहिरो सम्बन्ध राख्ने चित्रकार हुन्। ऐतिहासिक अनुसन्धानमा आधारित विषयवस्तुलाई उनले कल्पनाको रङ र सजीव क्यानभासमार्फत प्रस्तुत गरेका छन्।
प्रदर्शनीमा चित्रहरूसँगै उनले काम गर्ने क्यानभास र रंग सामग्रीहरू पनि समावेश गरिएको छ। शर्माले यसै शीर्षकमा केही वर्षअघि चित्रकला पुस्तक पनि प्रकाशित गरेका थिए।
