Feature
पहिलो तमू फोटो प्रतियोगिता सम्पन्न
काठमाडौं — तमू ल्होसार २०८२ को अवसरमा अन्तर्राष्ट्रिय तमू काउन्सिल (आईटीसी) ले तमू (गुरुङ) सञ्चारकर्मी संघ नेपाल (एटजोन) सँगको सहकार्य तथा तमू ह्युल छोँज धीं गुरुङ राष्ट्रिय परिषद् काठमाडौंको समन्वयमा पहिलो तमू फोटो प्रतियोगिता आयोजना गरेको छ।
आईटीसीका महासचिव अधिवक्ता राजु गुरुङको अध्यक्षतामा सम्पन्न कार्यक्रममा आईटीसीकी सचिव रुपा गुरुङले सञ्चालन गर्नुभएको थियो। कार्यक्रममा तमू ह्युल छोँज धीं गुरुङ राष्ट्रिय परिषद्का वरिष्ठ उपाध्यक्ष डम्बरबहादुर गुरुङ, तमू ल्होसार मूल आयोजक समिति २०८२ का अध्यक्ष धर्मराज राजु गुरुङलगायतको उपस्थिति थियो।
प्रतियोगितामा गुरुङ समुदायका फोटो पत्रकारहरूले विभिन्न गुरुङ बस्तीमा खिचेका १६८ फोटो सहभागी गराएका थिए। तीमध्ये गुरुङ संस्कृति, परम्परा र रीतिरिवाज झल्किने २५ फोटो छनोट गरी प्रदर्शनीमा राखिएको थियो।
प्रदर्शित फोटोमध्ये उत्कृष्ट पाँच फोटो चयन गरी प्रथम, द्वितीय, तृतीय र दुई सान्त्वना पुरस्कार प्रदान गरिएको हो। प्रतियोगितामा राम गुरुङ प्रथम, युनिश गुरुङ द्वितीय र आश गुरुङ तृतीय भए। सान्त्वना पुरस्कार नवीनबाबु गुरुङ र सुजन गुरुङले प्राप्त गरेका छन्।
प्रथम, द्वितीय र तृतीय हुनेलाई क्रमशः १५ हजार, १२ हजार र १० हजार रुपैयाँ नगदसहित प्रमाणपत्र प्रदान गरिएको थियो भने सान्त्वना पुरस्कार विजेतालाई जनही तीन–तीन हजार रुपैयाँ प्रदान गरिएको थियो। पुरस्कार वितरण तमू ल्होसार महोत्सवअन्तर्गत पुस १४ गते काठमाडौंको टुँडिखेलमा गरिएको छ।
संस्थागत रूपमा पहिलो पटक आयोजना गरिएको यो फोटो प्रतियोगिता ऐतिहासिक र अर्थपूर्ण भएको आयोजकले बताएका छन्। फोटो प्रदर्शनीमार्फत तमू (गुरुङ) समुदायको संस्कृति, जीवनशैली र पहिचानलाई उजागर गरिएको तमू ह्युल छोँज धीं गुरुङ राष्ट्रिय परिषद्का वरिष्ठ उपाध्यक्ष डम्बरबहादुर गुरुङले बताए।
अन्तर्राष्ट्रिय तमू काउन्सिलले आगामी दिनमा थप विधा समेट्दै अझ बृहत् फोटो प्रतियोगिता तथा प्रदर्शनी आयोजना गर्ने प्रतिबद्धता जनाएको छ।
स्ट्रीटनेपाल
बेलायतमा तमु धीं यूकेको आयोजनामा १७औँ ‘नेपाली मेला’ हुने भएको छ। ‘हाम्रो संस्कृति, हाम्रो पहिचान, हाम्रो गौरव’ भन्ने नाराका साथ आगामी ३० अगस्ट २०२६, आइतबार लन्डनको केम्पटन पार्क रेसकोर्स मैदानमा मेला आयोजना हुन लागेको हो। लन्डनस्थित नेपाली दूतावासको सहकार्यमा मेला आयोजना गर्न लागिएको आयोजकले जनाएको छ।
तमु धीं यूकेका अध्यक्ष जुमकाजी गुरुङले पत्रकार सम्मेलनमार्फत नेपाली कला, संस्कृति र पहिचानको संरक्षण तथा प्रवर्द्धन गर्ने उद्देश्यले मेला आयोजना गर्न लागिएको जानकारी दिए।
मेला संयोजक तथा तमु धीं यूकेका उपाध्यक्ष कमल कोने गुरुङका अनुसार मेला बिहान १० बजेदेखि साँझ ८ बजेसम्म सञ्चालन हुनेछ। मेलामा बेलायतमा सक्रिय ४२ वटा नेपाली संघसंस्थाले विभिन्न जातजातिका मौलिक संस्कृति, भेषभूषा र परम्परा झल्कने झाँकी प्रस्तुत गर्नेछन्।
मेलामा विविध सांस्कृतिक कार्यक्रम, नृत्य प्रतियोगिता, मौलिक भेषभूषा तथा सांस्कृतिक झाँकी प्रदर्शन, नेपाली परम्परागत खानाका परिकार, व्यापारिक तथा च्यारिटी स्टल रहनेछन्। सहभागीका लागि निःशुल्क स्वास्थ्य शिविरसमेत सञ्चालन गरिने आयोजकले जनाएको छ।
प्रवासी भूमिमा नेपाली कला, संस्कृति र परम्पराको संरक्षण गर्दै नयाँ पुस्तामा हस्तान्तरण गर्न मेला महत्वपूर्ण हुने आयोजकको विश्वास छ।
स्ट्रीटनेपाल
कोटेश्वर–कलंकी सडकखण्डअन्तर्गत ललितपुर महानगरपालिकाको बल्खुदेखि बालकुमारीसम्मको सडक रातको समयमा झिलिमिली देखिन थालेको छ।
बुधबारदेखि औपचारिक रूपमा सञ्चालनमा आएको सडक बत्ती करिब १३ करोड रुपैयाँको लगानीमा निर्माण गरिएको हो।
बल्खुदेखि बालकुमारीसम्मको ७.९ किलोमिटर सडकखण्डमा सडक बत्ती जडान भएपछि रातको समयमा सडक झलमल्ल उज्यालो भएको छ। यसले पैदलयात्री तथा सवारी चालकलाई आवतजावतमा सहज भएको छ।
सडक बत्ती सञ्चालनमा आएपछि रातको समयमा सडकको सुन्दरता हेर्न तथा फोटो खिच्न आउने मानिसहरूको संख्या पनि बढेको देखिन्छ।
सडक बत्तीले रातको समयमा हुने दुर्घटना न्यूनीकरणसँगै सडक सुरक्षा मजबुत बनाउन महत्वपूर्ण भूमिका खेल्ने विश्वास गरिएको छ।
स्ट्रिटनेपाल
ललितपुरको पाटनमा रहेको पिम्बहाल पोखरी यहाँको स्थानीय पर्यटनमा चिरपरिचित ठाउँ हो।
पाटन दरबार स्क्वायर नजिकै रहेको यो पोखरी, चैत्य, र नेवारी वास्तुकला यहाँको मुख्य आकर्षणको केन्द्र हो।
मल्लकालीन समयमा बनेको यो पोखरी हिन्दू तथा बौद्ध धर्मावलम्बीको लागि महत्वपूर्ण धार्मिकस्थल समेत रहेको छ।
केही समयअघि गरिएको पुनर्निर्माण पश्चात यो पोखरी झनै आकर्षक देखिएको छ।
-
Feature4 weeks agoनागढुंगा–सिस्नेखोला सुरुङमार्ग उद्घाटन
-
Art4 weeks agoकौशी थिएटरमा प्रेमकथा ‘जोलिन्’
-
entertainment3 weeks agoसुकुम्बासी तमु गुरुङ विद्यार्थीलाई १ लाख ७५ हजार सहयोग
-
entertainment3 weeks agoदीपमाला ढकाल मिस नेपाल वर्ल्ड २०२६
-
entertainment3 weeks agoऐतिहासिक धरोहर रानीपोखरी ३६० डिग्री एरियल दृश्यमा
-
entertainment4 weeks agoमञ्चमा मिस मेनुका
-
entertainment4 weeks agoकाठमाडौँको ऐतिहासिक र आधुनिक पहिचान दरबारमार्ग
-
entertainment3 weeks agoब्रोड पिकमा अस्ताएका १० आरोहीको सम्झनामा दीप प्रज्ज्वलन
You must be logged in to post a comment Login