Auto
नेपाली सडकमा रोयल इन्फिल्ड ‘गोवन क्लासिक ३५०’ को आगमन (तस्विरहरु)
नेपाली सडकमा रोयल इन्फिल्डको उपस्थिति केवल दुई पाङ्ग्रे सवारीको सीमामा अडिँदैन, यसले समयसँगै निर्माण भएको एउटा जीवनशैली र पहिचान बोकेको छ।
यही विरासतलाई निरन्तरता दिँदै आधुनिकताको नयाँ स्वाद थप्ने प्रयासस्वरूप भर्खरै नेपाली बजारमा आएको रोयल इन्फिल्ड गोवन क्लासिक ३५० अहिले विशेषगरी युवा पुस्तामाझ आकर्षणको केन्द्र बन्दै गएको छ।
परम्परागत डिजाइनलाई आधुनिक सौन्दर्यसँग मिसाउने प्रयास यसको पहिलो विशेषता हो। ‘बबर’ शैलीमा तयार गरिएको यो बाइकले गोवाको स्वतन्त्र र रंगीन जीवनशैलीलाई झल्काउने गरी बनावट पाएको छ। एल्युमिनियम फिनिशको ‘ह्वाइट वाल टायर’, आकर्षक कलर स्किम र फरक देखिने प्रोफाइलले यसलाई भीडबाट अलग पहिचान दिन्छ।
स्पोक ह्विलमा ट्युबलेस टायरको प्रयोगले परम्परागत संरचनाभित्रै आधुनिक सुविधा समेटिएको संकेत गर्छ। नेपालजस्तो भौगोलिक विविधता भएको देशमा बाइकको मूल्यांकन केवल लुक्सले मात्र हुँदैन, यसको प्रदर्शन र व्यवहारिकताले पनि उत्तिकै अर्थ राख्छ। यही सन्दर्भमा हेर्दा, बीएस ६ एफआई इन्जिनले दिने स्थिर शक्ति र इन्धन दक्षता, उबडखाबड तथा घुमाउरा सडकका लागि उपयुक्त देखिन्छ। अगाडि र पछाडि दुवैतर्फ डिस्क ब्रेकसँगै डुअल च्यानल एबीएस जडान हुनु सुरक्षा पक्षमा गरिएको गम्भीर तयारी हो।
आरामदायी यात्राका लागि ७५० एमएम सिट हाइट र १७० एमएम ग्राउन्ड क्लियरेन्स जस्ता विशेषताले दैनिक आवागमनदेखि लामो दूरीका यात्रासम्म सहजता दिन्छन्। विशेषगरी, नेपाली सडकको असमान सतहमा बाइक नियन्त्रण र स्थायित्व कायम राख्न यी पक्ष महत्वपूर्ण मानिन्छन्।
प्रविधिको प्रयोगमा पनि यो बाइक पछाडि परेको छैन।
एलईडी हेडलाइट, डिजिटल–एनालग डिस्प्ले र ट्रिपर नेभिगेसन जस्ता सुविधाले परम्परागत लुक्सभित्र आधुनिक अनुभव दिने प्रयास गरिएको छ। साथै, युवापुस्ताको रोजाइलाई ध्यानमा राख्दै विभिन्न आकर्षक रंग विकल्प उपलब्ध गराइनु बजार रणनीतिको अर्को संकेत हो। मूल्यका हिसाबले हेर्दा, सिंगल टोन र डुअल टोन भेरियन्टबीचको सानो अन्तरले ग्राहकलाई रोजाइको स्वतन्त्रता दिन्छ।
कम्पनीले यसको मूल्य रङ्ग अनुसार दुई समूहमा विभाजन गरेको छ । ‘सैक ब्ल्याक’ र ‘पर्पल हेज’ रङ्गको मूल्य ५ लाख ९८ हजार रुपैयाँ तोकिएको छ भने ‘ट्रिप टिल’ र ‘रेभ रेड’ भेरियन्टको मूल्य ६ लाख २ हजार रुपैयाँ कायम गरिएको छ ।
यो सेग्मेन्टमा फरक शैली र पहिचान खोज्ने राइडरका लागि यो मोडल प्रतिस्पर्धात्मक विकल्प बन्न सक्ने देखिन्छ। यसरी हेर्दा, रोयल इन्फिल्ड गोवन क्लासिक ३५० केवल नयाँ उत्पादन मात्र नभई, परम्परा र आधुनिकताको संगमको एउटा प्रयास हो—जहाँ शैली, प्रदर्शन र पहिचान एकैसाथ अघि बढ्न खोजिरहेका छन्।
काठमाडौंको भृकुटीमण्डपमा हिरो ब्रान्डको ‘अपग्रेड जात्रा’ सुरु भएको छ।
जेठ ११ गतेसम्म सञ्चालन हुने उक्त कार्यक्रम बिहान ९ बजेदेखि बेलुका ६ बजेसम्म चल्नेछ।
हिरो सेल्स प्रतिनिधि सूर्य ओझाका अनुसार कार्यक्रममा ग्राहकहरूले जुनसुकै ब्रान्डका पुराना मोटरसाइकल तथा स्कुटर एक्सचेन्ज गरी हिरोका नयाँ बाइक तथा स्कुटर खरिद गर्न सक्नेछन्। पुराना सवारी साधनको उत्कृष्ट मूल्याङ्कनका लागि ३० भन्दा बढी रिकन्डिसन हाउसको सहभागिता रहेको बताइएको छ।
कार्यक्रममा एक्सचेन्ज गर्ने तथा नयाँ मोटरसाइकल वा स्कुटर खरिद गर्ने ग्राहकलाई ६ हजारदेखि १ लाख रुपैयाँसम्मको डिजिटल स्क्र्याच कुपन उपलब्ध गराइनेछ। कम्पनीले एक्सचेन्ज नगरी नयाँ सवारी खरिद गर्ने ग्राहकलाई पनि उक्त सुविधा दिने जनाएको छ।
हिरोका मोटरसाइकल तथा स्कुटरहरू २ लाख ३७ हजार ९ सय रुपैयाँको स्प्लेन्डर प्लसदेखि ५ लाख २३ हजार ९ सय रुपैयाँसम्मको एक्सपल्स प्रो मोडलमा उपलब्ध रहेका छन्। कम्पनीका अनुसार सुपर स्प्लेन्डर र स्प्लेन्डर प्लस उच्च माइलेज दिने मोटरसाइकलका रूपमा लोकप्रिय छन्।
त्यस्तै, स्टाइलिस डिजाइन चाहने ग्राहकका लागि एक्स्ट्रीम १२५ र एक्स्ट्रीम १६० मोडल उपलब्ध छन् भने अफरोड तथा अनरोड दुवै प्रयोजनका लागि एक्सपल्स सिरिज उपयुक्त रहेको कम्पनीले जनाएको छ। स्कुटरतर्फ जुम ११० र जुम १२५ सीसीका मोडलहरू पनि प्रदर्शनमा राखिएका छन्।
कार्यक्रम अवधिभर मोटरसाइकल तथा स्कुटर खरिद गर्ने ग्राहकलाई हेल्मेट, बाइक कभर र रेनकोटजस्ता एसेसरिज पनि निःशुल्क उपलब्ध गराइनेछ। साथै फाइनान्स सुविधा र नागरिकताको आधारमा सहज डकुमेन्टेसनमार्फत मोटरसाइकल उपलब्ध गराउने व्यवस्था गरिएको कम्पनीले जनाएको छ।
भारतको चर्चित दुईपांग्रे ब्रान्ड बजाज अटो अन्तर्गतको इलेक्ट्रिक स्कुटर ‘चेतक’ नेपाली बजारमा ग्राहकको आकर्षण बन्दै गएको छ। गत वर्ष आयोजित नाईमा अटो शोमा सार्वजनिक गरिएको चेतक स्कुटर अहिले शोरुममार्फत बिक्री भइरहेको छ।
चेतक शोरुममा कार्यरत सिनियर सेल्स अफिसर अनिषा महर्जनका अनुसार हाल नेपाली बजारमा ‘३५०१’ भेरियन्ट उपलब्ध रहेको छ। उक्त स्कुटर पाँच फरक कलर अप्सन—हेजलनट, स्कार्लेट रेड, ब्रुकलिन ब्ल्याक, पिस्ता ग्रीन र इन्डिगो ब्लुमा उपलब्ध रहेको उनले जानकारी दिइन्।
उनका अनुसार स्कुटरमा ३.५८ किलोवाट आवर ब्याट्री क्यापासिटी, ४ किलोवाट मोटर पावर तथा ४.५ किलोवाट पिक पावर रहेको छ। स्कुटरमा पूर्ण मेटल बडी प्रयोग गरिएको छ भने ५ इन्चको टचस्क्रिन डिस्प्ले उपलब्ध छ।
चेतकमा ‘एफओबी कि’ आधारित की-लेस सिस्टम राखिएको छ। स्कुटर नजिक पुग्नेबित्तिकै सेन्सरमार्फत स्वतः अन हुने सुविधा दिइएको कम्पनीले जनाएको छ। साथै टचस्क्रिनमार्फत नेभिगेसन मिररिङ, फोन रिसिभ तथा कट गर्ने, गीत परिवर्तन गर्ने लगायतका स्मार्ट फिचर पनि उपलब्ध छन्।
स्कुटरमा इको र स्पोर्ट गरी दुईवटा राइडिङ मोड, रिभर्स मोड तथा अटो कट-अफ सिस्टमसहितको साइड लाइट सुविधा दिइएको छ। ३५ लिटरको बुट स्पेस, प्रिमियम सिट, अन-बोर्ड चार्जर र पोर्टेबल चार्जिङ अड्याप्टरले प्रयोगकर्तालाई थप सहजता दिने बताइएको छ।
त्यस्तै फ्रन्ट कम्पार्टमेन्टमा फोन होल्डर, मोबाइल चार्जिङ पोर्ट, ग्लोभ्स तथा डकुमेन्ट राख्न सकिने सुविधा समेत रहेको छ। स्कुटरसँग मोबाइल एप कनेक्टिभिटी पनि उपलब्ध रहेको कम्पनीले जनाएको छ। एपमार्फत जीपीएस ट्र्याकिङ, जियो-फेन्सिङ, हाई-स्पिड अलर्ट, स्पिड लक तथा एन्टी-थेफ्ट रिमोट इमोबिलाइजेसन जस्ता स्मार्ट सुरक्षा फिचर प्रयोग गर्न सकिनेछ।
कम्पनीका अनुसार बजाजका आधिकारिक डिलरमार्फत स्कुटर खरिदसँगै सर्भिस र स्पेयर पार्ट्स सुविधा पनि उपलब्ध हुनेछ।
भिडियो हेर्न यहाँ क्लिक गर्नुहोस ।
भारतको प्रिमियम इलेक्ट्रिक स्कुटर ब्रान्ड ‘एम्पियर’ अब पोखरामा पनि उपलब्ध भएको छ।
नेपालमा प्रवेश गरेको करिब दुई महिनापछि एम्पियरले पोखराको बुद्धचोकबाट आफ्नो आधिकारिक बिक्री सुरु गरेको हो।
एम्पियर स्कुटरको नेपालका लागि आधिकारिक विक्रेता एसटीसी अटो सोलुसन प्रा. लि. ले पोखरास्थित डीएनबी ट्रेड प्रा. लि. लाई आधिकारिक डिलर नियुक्त गरेको जनाएको छ। कम्पनीले वैशाख ३१ गतेदेखि ‘एम्पियर नेक्सस ईएक्स’ स्कुटरको बिक्री वितरण सुरु गरेको हो।
भारतको ‘ग्रिभ्स इलेक्ट्रिक मोबिलिटी’ कम्पनीद्वारा उत्पादन गरिएको एम्पियर स्कुटर १६५ वर्षको इन्जिनियरिङ अनुभव बोकेको ब्रान्ड मानिन्छ। कम्पनीले विगत १५ वर्षदेखि विद्युतीय दुई पाङ्ग्रे सवारी उत्पादन गर्दै आएको छ।
‘एम्पियर नेक्सस ईएक्स’ दैनिक प्रयोगका लागि उपयुक्त, आरामदायी र किफायती इलेक्ट्रिक स्कुटरका रूपमा बजारमा ल्याइएको कम्पनीको दाबी छ। स्कुटरमा ३.९ किलोवाटको मोटर र ३ किलोवाट-घण्टा क्षमताको एलएफपी ब्याट्री जडान गरिएको छ। कम्पनीका अनुसार फुल चार्जमा यसले १३६ किलोमिटरसम्म यात्रा गर्न सक्छ।
स्कुटरको ब्याट्री घरमै करिब साढे ३ घण्टामा पूर्ण चार्ज गर्न सकिने बताइएको छ। यसमा रिभर्स मोडसहित पाँचवटा राइडिङ मोड, डिस्क ब्रेक, एलोय ह्विल, अल–एलईडी लाइट, यूएसबी चार्जर र स्मार्ट कनेक्टिभिटी जस्ता सुविधा रहेका छन्।
एम्पियर स्कुटरमा प्रयोग गरिएको एलएफपी ब्याट्रीलाई माइनस ४० डिग्रीदेखि ६० डिग्री सेल्सियससम्म परीक्षण गरिएको कम्पनीले जनाएको छ। ब्याट्रीमा ७५ हजार किलोमिटर वा ५ वर्षसम्मको वारेन्टी पनि उपलब्ध गराइएको छ।
नेपालमा ‘एम्पियर नेक्सस ईएक्स’ को मूल्य ३ लाख ३५ हजार रुपैयाँ तोकिएको छ।
-
entertainment2 weeks agoहङकङ पछि काठमाडौँमा चलचित्र ‘जुनकिरी’
-
entertainment3 weeks agoवर्ल्ड बुक अफ रेकर्ड्स लन्डन बाट कोरियोग्राफर रोजिन शाक्य सम्मानित
-
entertainment4 weeks agoफरक खालको नाटक ग्राण्ड रिहर्सल
-
Offbeat1 week agoबबरमहलको भित्तामा जीवित बनेको काठमाडौंको संस्कृति र सम्पदा
-
Auto3 weeks agoपल्सर एनएस ४०० जेड अब ३४९ सीसी इन्जिनमा
-
Feature4 weeks agoकाठमाडौं उपत्यकामा वायु प्रदूषण
-
entertainment3 weeks agoपिके क्याम्पसको पर्खालमा प्रतिविम्बित आदिवासी संस्कृति
-
Feature3 weeks agoईतिहास बन्यो नेपालकै पुरानो सुकुम्बासी बस्ती
You must be logged in to post a comment Login