entertainment
WATCH: “DAILAI KURA LAIDINI” SONG FROM “१oo KADA १o”
Finally a wedding song from “१00 Kada १0” is out and it’s sure to bring a smile on your face. With Karoona Shrestha dancing to “Dailai Kura Laidini” this song might just be the next wedding song. The song features Karoona along with two other actors and a lot of background dancers. The song is a must watch simply because you can’t keep your fingers from tapping to it’s beats.
The song has been sung by Trishala Gurung and Sandesh Pathak. Helmed by Ram Sharan Pathak, “”१00 Kada १0” stars Rajaram Paudyal, Manoj Gajurel, Amrit Dhungana among others and is scheduled to release on Magh18/February 1.
entertainment
‘जिउँदो आकाश’को नियमित मञ्चन सुरु
काठमाडौंको थापागाउँस्थित एक थिएटर नेपालमा चर्चित नेपाली नाटक ‘जिउँदो आकाश’को नियमित मञ्चन सुरू भएको छ।
यौनिक तथा अल्पसंख्यक समुदायको जीवन, पहिचान र उनीहरूले समाजमा भोग्ने विभेदको कथा प्रस्तुत गर्ने नाटक ‘जिउँदो आकाश’ साउन १ गतेदेखि नियमित मञ्चनमा आएको हो।
वि.सं. २०७३ जेठ २९ गते दोलखाको चरीकोटबाट पहिलो पटक मञ्चन भएको यो नाटक यौनिक तथा अल्पसंख्यकको विषयवस्तुमा आधारित पहिलो नेपाली नाटकका रूपमा परिचित छ।
नेपालका विभिन्न सहरमा ८६ भन्दा बढी पटक मञ्चन भइसकेको यो नाटक भारतको दिल्ली र गुवाहाटीमा आयोजित अन्तर्राष्ट्रिय नाट्य महोत्सवमा समेत प्रस्तुत भइसकेको छ।
लेखक चन्द्रप्रसाद पाण्डेले पुरूष शरीर लिएर जन्मिए पनि स्त्री स्वभाव भएकी ‘गरिमा’ (गौरव) को कथामार्फत समाज, परिवार र विद्यालयबाट भोग्नुपरेको अस्वीकृति तथा संघर्षलाई नाटकमा प्रस्तुत गरेका छन्। निर्देशक आर.के. मेहताका अनुसार नाटकले लैंगिक पहिचानभन्दा माथि उठेर मानवतालाई केन्द्रमा राख्ने सन्देश दिन्छ।
नाटकमा कलाकार अनिल सुब्बाले गरिमाको भूमिकामा अभिनय गरेका छन्। रेनुका कार्की सह-निर्देशक रहेकी छन् भने किरण चाम्लिङ राईको संगीत परिकल्पनासँगै युकेश राई, सोनाम तामाङलगायतले प्रत्यक्ष संगीत प्रस्तुत गरिरहेका छन्।
साउन १ देखि १२ गतेसम्म बुधबारबाहेक हरेक दिन साँझ ५:३० बजे नाटक मञ्चन हुनेछ। दर्शकको सुविधाका लागि शनिबार दिउँसो १:३० बजे अतिरिक्त शो पनि राखिएको छ।







entertainment
घारी बनेको चक्रपथ
चक्रपथ दोस्रो खण्ड विस्तार ढिलाई हुँदा अधिकांश ठाउँमा घारी बनेको देखिन्छ।
वर्षौंदेखि रोकिएको यो चक्रपथको दोस्रो खण्डमा अहिले —कलंकीदेखि बसुन्धारासम्मको सडक विस्तार अब चिन सरकारको सहयोगमा अघि बढ्ने भएको छ।
८.२ किलोमिटर लामो यस खण्डमा चिन सरकारको सहयोगमा सडक र पुल निर्माण हुने भएको हो।
यो परियोजाको लागी चीन सरकारले करिब ११ अर्ब रूपैयाँ अनुदान दिने भएको छ।
यो परियोजना नयाँ भने होइन। सम्झौता त २०७५ सालमै पनिभइसकेको थियो।
त्यसयता कहिले कोरोना महामारी त कहिले साइट क्लियर नभएको बहानामा चिनियाँ पक्षले काम अघि बढाएन।
२०७९ पुसमा साइट निरीक्षण गर्न आएको चिनियाँ टोलीले पनि वरपरका मन्दिर नहटाई काम नगर्ने अडान राख्दै फर्किएको थियो।
यता सडक विभागले भने आफ्नो दायित्व पूरा गरिसकेको छ—तीन वर्षअघि नै दायाँबायाँका संरचना हटाइसकिएको छ, र सर्भिस लेन तथा ढल निकासको काम पनि आंशिक रूपमा गरिएको छ।
तर पटक–पटकको ताकेता बेवास्ता गर्दै चिनियाँ पक्ष आएन, र खाली राखिएको जग्गामा अहिले बर्खायामको झाडी उम्रिसकेको छ।
अब सम्झौता नवीकरण भएसँगै काम वास्तवमै सुरू हुन्छ कि फेरि अलपत्र बस्छ, हेर्न बाँकी छ।




entertainment
‘पेन्सन पट्टा’को गीत ‘जुनी जाला’ सार्वजनिक
माओत्से गुरुङद्वारा निर्देशित चलचित्र ‘पेन्सन पट्टा’को पहिलो गीत ‘जुनी जाला’ सार्वजनिक भएको छ।
गुरुङ समुदायको पहिरन, संस्कृति र गाउँले जीवनशैलीलाई झल्काउने यो गीतमा दयाहाङ राई, बुद्धि तामाङलगायतका कलाकार देखिएका छन्। शब्द हर्क साउदको र संगीत मनोज थापा मगरको रहेको छ।
भदौ २६ गते हरितालिका तीजको मौकामा प्रदर्शनमा आउने यो चलचित्रले प्रेम, संघर्ष र पारिवारिक सम्बन्धको कथा बुनेको छ।
यसको अन्तर्राष्ट्रिय प्रदर्शन अधिकार हङकङ, अस्ट्रेलिया, न्युजिल्यान्ड र बेलायतमा पहिले नै बिक्री भइसकेको छ, र अन्य देशसँग पनि छलफल जारी रहेको निर्माणपक्षले जनाएको छ।
-
Art3 weeks agoरंगमञ्चमा स्यालसिंह
-
entertainment2 weeks agoकमल एक्चै मगरको ‘बाछिटा’ले जित्यो प्रथम पुरस्कार
-
Art4 weeks agoद टेस्ट अफ सेलरोटी
-
Art4 weeks ago‘टप अफ द वर्ल्ड’ थिमसँगै सुरु भयो मिस नेपाल २०२६ को यात्रा
-
Art4 weeks agoऐतिहासिक भोटो जात्रा सम्पन्न (तस्विरहरु)
-
entertainment4 weeks agoकाठमाडौँका जात्रासँग जोडिएको ऐतिहासिक ‘गुर्जु पल्टन’
-
entertainment4 weeks agoनेपालकै पहिलो आर्क व्रिज
-
Art3 weeks agoझण्डा कला महोत्सव २०८३


You must be logged in to post a comment Login