Feature
पाटनको घोडेजात्रा
ललितपुरको पाटन क्षेत्रमा हरेक वर्ष मनाइने ऐतिहासिक घोडेजात्रा यस वर्ष पनि परम्परागत शैलीमा सम्पन्न भएको छ। चैत कृष्ण औँसीका अवसरमा मनाइने यो जात्रा काठमाडौंको टुँडिखेलमा हुने राष्ट्रिय घोडेजात्राभन्दा फरक, स्थानीय र अनौठो स्वरूपका कारण विशेष मानिन्छ।
प्राचीन इतिहाससँग जोडिएको यस जात्राको सुरुवात राजा शिवसिंह देवको पालादेखि भएको विश्वास गरिन्छ। किंवदन्तीअनुसार बालकुमारी देवीको आज्ञापछि पाटनमै छुट्टै घोडेजात्रा सुरु गरिएको हो। काठमाडौंमा हुने घोडेजात्रा हेर्न कठिनाइ भएपछि पाटनका शासकहरूले आफ्नै परम्परा स्थापना गरेका थिए, जसले आत्मनिर्भर सांस्कृतिक पहिचानलाई बलियो बनाएको छ।
जात्राअघि पाहाँ चऱ्हेका दिन मङ्गलबजारस्थित भीमसेनस्थानमा राँगो बलि दिई पूजा गरिन्छ। जात्राको दिन नेपाली सेनाले ल्याएको घोडालाई भीमसेन गुठीले स्वागत गरी विभिन्न टोल परिक्रमा गराइन्छ। मङ्गलबजारबाट सुरु भएको यात्रा ओल्खु, नेउत, लोहलँ हुँदै बालकुमारी मन्दिर वरपर तीन पटक घुमाइन्छ।
यस जात्राको मुख्य आकर्षण भनेको मदिरा सेवन गराइएको घोडा र चालकद्वारा गरिने रोमाञ्चक दौड हो। दर्शकहरूको हुटिङ र हाँसोबीच घोडा अनियन्त्रित रूपमा दौडिने दृश्यले जात्रालाई अझ रोचक बनाउँछ। यही कारणले यसलाई “जँड्याहा घोडेजात्रा” पनि भन्ने गरिन्छ।
स्थानीय नेवार समुदाय, गुठी परम्परा र धार्मिक आस्थासँग जोडिएको यो जात्रा आज पनि जीवित सांस्कृतिक सम्पदाका रूपमा रहँदै आएको छ।
काठमाडौँ महानगरपालिका–३२ स्थित पेप्सीकोला फुटबल ग्राउण्ड निर्माणको अन्तिम चरणमा पुगेको छ।
११ ‘ए’ साइडको कृत्रिम घाँसे मैदानमा कार्पेट बिछ्याउने काम पूरा भइसकेको छ भने अब बालुवा भर्ने र अन्तिम फिनिसिङको काम बाँकी छ।
महानगरपालिकाका अनुसार अब करिब दुई महिनाभित्र सम्पूर्ण निर्माण सम्पन्न हुनेछ। कृत्रिम घाँसलाई टिकाउ बनाउने, पानी जम्न नदिने र खेलाडीलाई सुरक्षित रूपमा खेल्न मिल्ने वातावरण तयार गर्न बालुवा हालिनेछ।
साथै वर्षाको पानी सहज निकासका लागि ड्रेनेज प्रणाली र मैदान वरिपरि फुट ट्रयाक पनि निर्माण भइरहेको छ।
धुलाम्मे र अव्यवस्थित रहेको यस मैदान आधुनिक सुविधासहितको खेल मैदानमा रूपान्तरण हुँदैछ।
निर्माण सम्पन्न भएपछि स्थानीय खेलाडी, क्लब र फुटबल प्रतियोगिताका लागि यो मैदान महत्वपूर्ण पूर्वाधार बन्ने अपेक्षा गरिएको छ।
पेप्सीकोलासहित काठमाडौँका विभिन्न स्थानमा यस्तै कृत्रिम घाँसे फुटबल मैदान निर्माण गर्ने महानगरपालिकाको योजना पनि अन्तिम चरणतर्फ अघि बढिरहेको छ।
चक्रपथ दोस्रो खण्ड विस्तार ढिलाई हुँदा अधिकांश ठाउँमा घारी बनेको देखिन्छ।
वर्षौंदेखि रोकिएको यो चक्रपथको दोस्रो खण्डमा अहिले —कलंकीदेखि बसुन्धारासम्मको सडक विस्तार अब चिन सरकारको सहयोगमा अघि बढ्ने भएको छ।
८.२ किलोमिटर लामो यस खण्डमा चिन सरकारको सहयोगमा सडक र पुल निर्माण हुने भएको हो।
यो परियोजाको लागी चीन सरकारले करिब ११ अर्ब रूपैयाँ अनुदान दिने भएको छ।
यो परियोजना नयाँ भने होइन। सम्झौता त २०७५ सालमै पनिभइसकेको थियो।
त्यसयता कहिले कोरोना महामारी त कहिले साइट क्लियर नभएको बहानामा चिनियाँ पक्षले काम अघि बढाएन।
२०७९ पुसमा साइट निरीक्षण गर्न आएको चिनियाँ टोलीले पनि वरपरका मन्दिर नहटाई काम नगर्ने अडान राख्दै फर्किएको थियो।
यता सडक विभागले भने आफ्नो दायित्व पूरा गरिसकेको छ—तीन वर्षअघि नै दायाँबायाँका संरचना हटाइसकिएको छ, र सर्भिस लेन तथा ढल निकासको काम पनि आंशिक रूपमा गरिएको छ।
तर पटक–पटकको ताकेता बेवास्ता गर्दै चिनियाँ पक्ष आएन, र खाली राखिएको जग्गामा अहिले बर्खायामको झाडी उम्रिसकेको छ।
अब सम्झौता नवीकरण भएसँगै काम वास्तवमै सुरू हुन्छ कि फेरि अलपत्र बस्छ, हेर्न बाँकी छ।
काठमाडौं–धादिङ जोड्ने नागढुंगा सुरुङमार्गमा शनिबार बिहान ‘नागढुंगा टनेल फन रन एण्ड वाक २०२६’ आयोजना गरिएको छ।
नेपाल सरकार र जापान अन्तर्राष्ट्रिय सहयोग नियोग (JICA) को सहकार्यमा आयोजित कार्यक्रममा सर्वसाधारणलाई सुरुङमार्गभित्र दौडने र हिँड्ने विशेष अवसर प्रदान गरिएको हो।
सुरुङमार्ग निर्माण अन्तिम चरणमा पुगेको अवसर पारेर आयोजित कार्यक्रमले नेपाल–जापानबीचको मैत्रीपूर्ण सम्बन्ध तथा पूर्वाधार विकासमा भएको सहकार्यलाई उजागर गरेको छ।
कार्यक्रमस्थलमा नेपाल र जापानका राष्ट्रिय झण्डासहितको ब्यानर राखिएको थियो, जसले दुई देशबीचको दीर्घकालीन साझेदारीको सन्देश दिएको छ।
-
Art4 weeks agoरंगमञ्चमा स्यालसिंह
-
entertainment3 weeks agoकमल एक्चै मगरको ‘बाछिटा’ले जित्यो प्रथम पुरस्कार
-
Art4 weeks ago‘टप अफ द वर्ल्ड’ थिमसँगै सुरु भयो मिस नेपाल २०२६ को यात्रा
-
Art4 weeks agoझण्डा कला महोत्सव २०८३
-
entertainment4 weeks agoसानेपाको आकाशे पुल निर्माण अन्तिम चरणमा
-
entertainment3 weeks agoलोभलाग्दो माइतीघर–बानेश्वर खण्ड
-
entertainment3 weeks agoपरम्परागत बत्तीले झिलिमिली बन्यो न्युरोड
-
entertainment3 weeks agoबत्ती जडानपछि यस्तो देखियो न्युरोड
You must be logged in to post a comment Login