Connect with us

entertainment

KANGANA RANAUT AT CANNES 2018: SEE ALL HER LOOKS SO FAR

Published

on

We all know that when it comes to fashion, Kangana Ranaut is her own competitiion and the hottie proved the same as well. Kangana Ranaut did great at this year’s Cannes Film Festival and we are not surprised.
The Cannes Film Festival has always been a platform for the actresses from the Indian film industry to slay, and well, sometimes miss. This year was the 71st edition of the prestigious celebration of cinema and the Bollywood babes have done a fair job till now.
Talking about Kangana, she certainly didn’t fail to make heads turn, with her  looks. Here are all her looks from the Cannes 2018: KANGANA RANAUT AT CANNES 2018: SEE ALL HER LOOKS SO FAR

 

KANGANA RANAUT AT CANNES 2018: SEE ALL HER LOOKS SO FAR

KANGANA RANAUT AT CANNES 2018: SEE ALL HER LOOKS SO FAR

Continue Reading
Click to comment

You must be logged in to post a comment Login

Leave a Reply

entertainment

बाढीपीडितका लागि तमु धीं यूकेद्वारा १ करोड ११ लाख रुपैयाँ सहयोग

Published

on

तमु धीं यूकेले नेपालका बाढीपीडितका लागि संकलन गरेको रकममध्ये १ करोड ११ लाख ११ हजार १ सय ११ रुपैयाँ प्रधानमन्त्री दैवी प्रकोप राहत कोषमा हस्तान्तरण गरेको छ।

तमु धीं यूकेका अध्यक्ष जुमकाजी गुरुङ नेतृत्वको टोलीले मंगलबार कार्यवाहक प्रधानमन्त्रीसमेत रहेका अर्थमन्त्री डा. स्वर्णिम वाग्लेलाई उक्त रकमको चेक हस्तान्तरण गरेको हो। तमु धीं यूकेका महासचिव डा. विशाल गुरुङका अनुसार मंगलबार नै उक्त रकम प्रधानमन्त्री दैवी प्रकोप राहत कोषमा जम्मा गरिएको हो।

चेक हस्तान्तरणका लागि अध्यक्ष जुमकाजी गुरुङसहित वरिष्ठ उपाध्यक्ष परशु गुरुङ, उपाध्यक्ष कमल गुरुङ, महासचिव डा. विशाल गुरुङ, सचिव विमल गुरुङ र आमा समूहकी अध्यक्ष कमलादेवी गुरुङलगायत सहभागी थिए। अध्यक्ष जुमकाजीसहित तमु धीं यूकेका ६ जना प्रतिनिधि सहयोग हस्तान्तरणका लागि आफ्नै व्यक्तिगत खर्चमा सोमबार बेलायतबाट नेपाल आएका थिए।

तमु धीं यूकेका सचिव विमल गुरुङका अनुसार बेलायतमा संकलित रकममध्ये करिब २५ लाख रुपैयाँ बराबरको राहत सामग्री समेत प्रभावित क्षेत्रमा वितरण गर्ने तयारी भइरहेको छ।

अर्थ मन्त्रालयमा आयोजित कार्यक्रममा महासचिव डा. विशाल गुरुङले सन् २००० मा बेलायतमा स्थापना भएको तमु धीं यूकेले महाभूकम्प, कोभिड महामारीलगायत विभिन्न विपद्का समयमा गरेको सहयोगबारे जानकारी गराएका थिए।

अर्थमन्त्री वाग्लेले विपद्का बेला तमु धीं यूकेले गरेको सहयोगप्रति आभार व्यक्त गर्दै सरकारमाथि भरोसा गरेर राहतका लागि १६ अर्ब रुपैयाँ संकलन भएको जानकारी दिए। उनका अनुसार हालसम्म १ अर्ब रुपैयाँ राहतका लागि निकासा भइसकेको छ।

उनले दसैंअघि नै बाढीपहिरो प्रभावितका लागि अस्थायी टहरा निर्माण गर्ने तयारी भइरहेको बताए। प्रभावित परिवारले रोजेको स्थानमा अस्थायी आवास निर्माणका लागि प्रतिपरिवार १७ हजार रुपैयाँ सहयोग गरिने उनले बताए। स्थायी आवासका लागि साढे दुई वर्षभित्र सबै प्रभावित परिवारका घर निर्माण गर्ने सरकारको योजना रहेको उनको भनाइ थियो।

गत भदौ १० गते नेपालमा आएको बाढीबाट प्रभावितका लागि सहयोग जुटाउन बेलायतमा भदौ १४ (अगस्ट ३०) मा आयोजित १७औं नेपाली मेलादेखि रकम संकलन सुरु गरिएको थियो। नेपाली मेला संयोजक कमल गुरुङका अनुसार मेलाबाट बचत भएको रकम, तमु धीं यूकेको संस्थागत सहयोग, च्यारिटी ट्रेल वाक, तमु धीं आमा समूह, विभिन्न इकाइ तथा व्यक्तिगत सहयोगबाट रकम संकलन गरिएको हो।

कार्यवाहक प्रधानमन्त्रीसमेत रहेका अर्थमन्त्री वाग्ले र तमु धीं यूकेका अध्यक्ष जुमकाजी गुरुङसहितको टोलीले बाढीपीडितका लागि सहयोग गर्ने बेलायतवासी नेपालीप्रति आभार व्यक्त गरेका छन्।

Continue Reading

entertainment

तमु परिवार न्यूयोर्कद्वारा विपद् राहत कोषमा १३ लाख सहयोग

Published

on

तमु परिवार न्यूयोर्क इन्क., अमेरिकाले नेपालमा भोटेकोसी नदीमा आएको बाढीपहिरोबाट रसुवा, नुवाकोटलगायत जिल्लामा भएको जनधनको क्षतिप्रति दुःख व्यक्त गर्दै प्रधानमन्त्री दैवीप्रकोप उद्धार कोषमा १३ लाख रुपैयाँ सहयोग गरेको छ।

संस्थामा आबद्ध ५२ जना दाताबाट संकलित रकम पीडितको राहत, उद्धार तथा पुनःस्थापनाका लागि प्रदान गरिएको हो। संस्थाका सदस्य कृष्ण गुरुङले अर्थ मन्त्रालय पुगेर सम्बन्धित निकायमार्फत सहयोग रकमको चेक हस्तान्तरण गरेका हुन्।

तमु परिवार न्यूयोर्कले विपद्को समयमा सहयोग गर्ने सम्पूर्ण दाताप्रति आभार व्यक्त गर्दै आगामी दिनमा पनि सामाजिक उत्तरदायित्वअन्तर्गत राहत तथा सहयोगका कार्यक्रमलाई निरन्तरता दिने जनाएको छ।

Continue Reading

entertainment

फोक्सुन्डोमा #फोटोनेपाल कला प्रदर्शनी

Published

on

डोल्पाको फोक्सुन्डोमा तीनदिने फोक्सुन्डो आर्ट एक्जिबिसन सम्पन्न भएको छ। नेपाल पर्यटन बोर्डको #फोटोनेपाल प्रदर्शनी अभियानअन्तर्गत असोज २ देखि ४ गतेसम्म समुदुप फाटेन गुम्बामा आयोजित प्रदर्शनीमा कलाकार तेन्जिङ वाङ्दाकका १५ थान थाङ्का चित्र प्रस्तुत गरिएको थियो।

समुद्री सतहबाट ३ हजार ६११.५ मिटर उचाइमा आयोजित प्रदर्शनीसँगै सांस्कृतिक कार्यक्रमसमेत गरिएको थियो। प्रदर्शनीले फोक्सुन्डोको प्राकृतिक सौन्दर्यसँगै स्थानीय कला, संस्कृति र जीवनशैलीलाई पर्यटन प्रवर्द्धनसँग जोडेको आयोजकले जनाएको छ।

सन् २०१६ मा सुरु भएको #फोटोनेपाल अभियानअन्तर्गत हालसम्म नेपाल तथा विदेशमा सयभन्दा बढी प्रदर्शनी आयोजना भइसकेका छन्।

Continue Reading

Facebook

Trending

Copyright © 2026 streetnepal.com