हङकङ, – नेपाल पर्यटन बोर्डले अन्तर्राष्ट्रिय यात्रा प्रदर्शनी (आईटीई) हङकङ २०२५ मा आफ्नो समृद्ध सांस्कृतिक सम्पदा, भव्य हिमाली दृश्यहरू, र रोमाञ्चक साहसिक गतिविधिहरू प्रदर्शन गर्दै सहभागीहरूलाई आकर्षित गरिरहेको छ। १२ देखि १५ जुन २०२५ सम्म हङकङ कन्भेन्सन र प्रदर्शनी केन्द्रमा आयोजना भइरहेको यस प्रदर्शनीमा, नेपालको प्याभिलियन (बुथ ५ई-बी१०१, हल १) ले हङकङ र क्षेत्रीय पर्यटन बजारमा नेपालको प्रचारप्रसार गर्ने लक्ष्य राखेको छ।

प्रदर्शनीको एक विशेष सत्रमा, पर्यटन अपरेटर र एजेन्टहरूसँगको भेटघाटमा, नेपाल पर्यटन बोर्डका वरिष्ठ प्रबन्धक उदय भट्टराईले एक विस्तृत गन्तव्य प्रस्तुति दिनुभयो। उहाँले विश्वव्यापी पर्यटन व्यापार समुदायलाई नेपालसँग जोडिन र यसको अतुलनीय पर्यटन सम्भावनाहरूको अवलोकन गर्न हार्दिक निम्तो दिनुभयो। नेपाली प्याभिलियनले नेपालको प्राचीन जीवन्त सम्पदा, भव्य हिमाली शिखरहरू, दुर्लभ वन्यजन्तु, जीवन्त सांस्कृतिक अनुभवहरू, र विविध साहसिक गतिविधिहरूलाई आकर्षक रूपमा प्रस्तुत गरेको छ।

हङकङका लागि महावाणिज्यदूत डा. बिन्देश्वर प्रसाद लेखकले नेपाली प्याभिलियनको भ्रमण गर्नुभयो। उहाँले नेपाल पर्यटन बोर्ड र प्रदर्शनीमा सहभागी नेपाली कम्पनीहरूको प्रयासको प्रशंसा गर्दै आईटीई २०२५ मा उपलब्ध प्रचारका अवसरहरूलाई अधिकतम उपयोग गर्न प्रोत्साहन दिनुभयो।

नेपाल प्याभिलियनमा हिमालयन क्लब टुर्स एण्ड ट्राभल, पर्ल हलिडेज प्रा.लि., अल्पाइन क्लब अफ हिमालयन, कनेक्ट माइस प्रा.लि., नर्थ नेपाल ट्राभल एण्ड ट्रेक प्रा.लि., सातोरी एड्भेन्चर्स प्रा.लि., जुगल हलिडेज प्रा.लि. र क्यान्टन इन्टरनेशनल ट्राभल सर्भिस नेपाल प्रा.लि. लगायतका नेपाली पर्यटन कम्पनीहरू सहभागी छन्। उनीहरूले हङकङ र यस क्षेत्रका सम्भावित पर्यटकहरू र व्यापार साझेदारहरूसँग प्रत्यक्ष सम्बन्ध स्थापित गर्दै नेपालको पर्यटनलाई थप प्रवर्द्धन गर्ने अवसर पाएका छन्। यस प्रदर्शनीले नेपालको पर्यटनलाई अन्तर्राष्ट्रिय बजारमा थप स्थापित गर्न महत्वपूर्ण भूमिका खेल्ने अपेक्षा गरिएको छ।

राष्ट्रपति ट्रम्पको निर्णयपछि अमेरिकी सहयोग नियोग (युएसएड) का कार्यक्रमहरू बन्द हुँदा नेपालमा यस निकायले प्रयोग गर्ने सयौँ गाडी र मोटरसाइकल चोभारस्थित सुक्खा बन्दरगाहमा थन्किएका छन्।

यी सवारीसाधन प्रतिगाडी प्रतिदिन एकसय को दरले बन्दरगाहमा राखिएका छन्।

युएसएडले नेपालमा स्वास्थ्य र शिक्षाजस्ता क्षेत्रमा काम गरे पनि पछिल्लो समय धर्म परिवर्तन र राजनीतिक दाउपेचमा पनि पैसा खर्च गरेको सार्वजनिक भएको थियो। अमेरिकी नागरिकको पैसाको दुरुपयोग भएको निष्कर्षसहित राष्ट्रपति ट्रम्पले युएसएड बन्द गर्ने निर्णय गरेका थिए।

तस्बिर: नेपाल फोटो लाइब्रेरी।

नागढुंगा–नौबिसे खण्डको घन्टौंको जामबाट पार पाउने आशा अब पूरा हुन लागेको छ। करिब ९० प्रतिशत निर्माण सकिएको नागढुंगा सुरूङ मार्ग अन्तिम चरणमा पुगेको छ।

२०७६ कात्तिक ४ गते शिलान्यास भएको यो सुरूङ परियोजनाले ५३ महिनामा ब्रेकथ्रू गरेको हो। मुख्य सुरूङ २.६८८ किलोमिटर र आपतकालीन सुरूङ २.५५७ किलोमिटर लम्बाइको छ।

सुरूङ सञ्चालनमा आएपछि करिब ८ किलोमिटर दूरी छोट्टिँदै सिस्नेखोलादेखि बलम्बु ३–५ मिनेटमै पार गर्न सकिनेछ। सवारी आवागमनका लागि बत्ती, सिसिटिभी, फायर हाइड्रेन्ट, जेट फ्यानजस्ता सुविधा जडान भइरहेका छन्।

सुरक्षा र आपतकालीन अवस्थालाई ध्यानमा राखी प्रत्येक ३७५ मिटरमा इभ्याकुएसन द्वार बनाइएको छ। पेट्रोलियम, भारी मालवाहक र मोटरसाइकललाई सुरूङमा प्रवेश निषेध गरिएको छ।

बलम्बुबाट सुरूङसम्म स्टिल संरचनाको तीन लेनको २.३०७ किमी लामो बाटो निर्माण भइसकेको छ। सरकार आगामी दसैंभित्र सञ्चालन गर्ने तयारीमा छ भने निर्माण पक्षका अनुसार केही काम अझै बाँकी छन्।

२२ अर्ब रुपैयाँको लागतमा बनिरहेको यो सुरूङ जापानको सहयोगमा निर्माण भएको हो।

नेपालकै पहिलो सडक प्रयोजनका लागि बनाइएको सुरूङमार्गले अब यात्रालाई सहज र सुरक्षित बनाउने अपेक्षा गरिएको छ।

The long-standing traffic congestion along the Nagdhunga–Naubise road section is set to be resolved with the near completion of the Nagdhunga-Sisnekhola tunnel.

Now 90% finished, the project has reached its final stage. The 2.688 km main tunnel and 2.557 km emergency tunnel broke through after 53 months of construction, following its foundation stone laying on Kartik 4, 2076 BS.

Once operational, the tunnel will shorten the travel distance by around 8 kilometers, allowing commuters to reach Balambu from Sisnekhola in just 3–5 minutes. Equipped with modern infrastructure such as lighting, CCTV, fire hydrants, and jet fans, the tunnel is designed with safety in mind. Emergency evacuation doors are placed every 375 meters. Entry will be restricted for petroleum carriers, heavy goods vehicles, and motorcycles. A 2.307 km, three-lane steel flyover road connecting Balambu to the tunnel has already been completed.

While the government aims to open the tunnel by the upcoming Dashain festival, some final works are still underway. Constructed with Japanese support, the tunnel’s estimated cost stands at around NPR 22 billion. This marks Nepal’s first road tunnel project of its kind—expected to significantly improve both safety and travel efficiency.

#streetnepal #Nagdhunga #Tunnel #Sisnekhola Tunnel #Nagdhunga_Sisnekhola_Tunnel_Project #nepalinfrastructure #road #tunnel #kathmandutraffic