सिन्धुलीको गोलन्जोर–४ माझकुभिण्डेमा ‘जुनारको राजधानी’ भनेर चिनिने क्षेत्रको तीनदिने जुनार महोत्सव सुरू भएको छ।

‘जुनार हाम्रो पहिचान’ भन्ने नारासहित आयोजित महोत्सवमा स्थानीय किसानले जुस, स्क्वास, जाम, जेलीलगायत प्रशोधित वस्तु प्रदर्शन गरेका छन्। आगन्तुकले स्थानीय उत्पादन चाख्न र मूल्यवर्धन प्रक्रिया बुझ्नसक्नेछन्।

महोत्सवले जुनार प्रवर्द्धन, रोग व्यवस्थापन, बजार विस्तार र प्रशोधनबारे छलफलसँगै कृषिको व्यावसायिक विकास र पर्यटन प्रवर्द्धनमा टेवा पुर्‍याउने अपेक्षा गरिएको छ।

पोखरा, २२ मङ्सिर ।

तमु धिं नेपालले राष्ट्रिय पर्व तमु ल्होछार त ल्हो (घोडा वर्ग) आगमनको अवसरमा पहिलो पटक पोखराको पुरानो टुँडिखेलमा यस वर्षबाट ल्होछारलाई महोत्सवको रुपमा मनाउने जानकारी गराएको छ ।

यसवर्ष सप्री ल्हो (सर्प वर्ग)को बिदाई र त ल्हो (घोडा वर्ग)को आगमन हुँदैछ । तमुहरुले पुस १५ गते ल्होछारलाई धुमधामकासाथ गाउँघरमा मनाउने चलनलाई निरन्तरता दिदैं आएका छन् ।

पोखरामा यसवर्ष देखि पुस १४, १५ र १६ गते विभिन्न कार्यक्रमका साथ टुँडिखेलमा महोत्सवको रुपमा मनाउन लागेको तमु धिं नेपालका अध्यक्ष हुम बहादुर तमुले पत्रकार सम्मेलनमा जानकारी दिए ।

गुरुङका अनुसार महोत्सवका कार्यक्रमहरुले राष्ट्रियता सुधार, सद्भाव, र एकतालाई बलियो बनाउने, पर्यटनको प्रवर्धन हुने र व्यावसायीक क्षेत्रलाई चलायमान बनाउन सहयोग पुग्ने अपेक्षा गरिएको छ ।

https://www.facebook.com/reel/860048246399539

महोत्सवका आकर्षणहरुमा भलिबल प्रतियोगिता, खुल्ला छेलो प्रतियोगिता र मौलिक सांस्कृतिक प्रस्तुति रहेका छन् । यस्तै झाँकि प्रतियोगिता, गुरुङ भेषभुषा प्रतियोगिता, सामुहिक खुल्ला लोकनृत्य प्रतियोगिता हुने भएका छन्।

झाँकि प्रतियोगितामा प्रथम हुनेले रुपैयाँ ६० हजार, भेषभुषामा प्रथम हुनेले रुपैयाँ ५ हजार, लोक नृत्यमा प्रथम हुनेले रुपैयाँ ७५ हजार, छेलोमा प्रथम हुनेले रुपैयाँ ४० हजार र भलिवलमा प्रथम हुने टीमले रुपैयाँ १ लाख ५० हजार, दोश्रोले ८० हजार, दुईटिमले जनही पच्चिस हजारसहित पुरस्कार पाउनेछन् ।

महोत्सव सम्पन्न गर्न अध्यक्ष हुम बहादुर तमुको संयोजकत्वमा २०१ सदस्यीय तमु ल्होछार महोत्सव मूल आयोजक कमिटि र २६ वटा उपसमिति बनाएर तयारीका कामहरु भईरहेको अध्यक्ष गुरुङले जानकारी दिए ।

पाटन — य:मरी पूर्णिमा तथा ज्यापु दिवसको अवसरमा पाटन दरबार स्क्वायरमा मनाइएको य:मरी उत्सव यस वर्ष सांस्कृतिक जति भव्य रह्यो, त्यत्तिकै स्थानीय महिलाको आर्थिक सशक्तीकरणको मंच पनि सावित भयो।

परम्परागत मिठाई य:मरी को संरक्षण मात्रै होइन, यसले स्थानीय उत्पादन, सीप र घरेलु व्यवसायलाई बजारसँग जोड्ने अवसर दिएको सहभागीहरूले बताएका छन्।

तीन दिनसम्म चलेको महोत्सवमा ललितपुर महानगरपालिका र स्थानीय महिलाहरूको सहकार्यमा दर्जनौँ स्टल सञ्चालन भए, जसमा घरमै बनाइने विभिन्न परिकार, हस्तकला तथा सांस्कृतिक सामग्रीले विशेष ध्यान आकर्षित गरे। धेरै सहभागी महिलाहरूका अनुसार यस्ता कार्यक्रमहरूले आफूहरूलाई आत्मनिर्भरता र व्यवसायिक कौशल विकासतर्फ प्रोत्साहित गरेको छ।

उत्सव अवलोकनमा आएका स्थानीय युवाहरूले य:मरीलाई आधुनिक स्वाद र प्रस्तुतीकरणसँग जोडेर नयाँ पुस्तामा आकर्षण बढेको प्रतिक्रिया दिएका छन्। उनीहरूको भनाइमा सांस्कृतिक चाडपर्वले पर्यटन र स्थानीय अर्थतन्त्रमा पनि सकारात्मक प्रभाव पारिरहेको छ।

आयोजकहरूका अनुसार यस्ता उत्सवले नेवारी समुदायको पहिचान मात्र उजागर गर्दैन, भविष्यमा घरेलु उद्यमलाई शहरव्यापी व्यापारिक अवसरमा परिणत गर्ने सम्भावना पनि बोकेको छ।