Connect with us

Offbeat

12 YEAR OLD GIRL SELECTED FOR INTERNSHIP AT NASA

Published

on

 

12 year old Pakistani girl Radeeyah Aamir has been selected for a one week internship program at National Aeronautics and Space Administration (NASA).  Radeeyah has been selected for program among students from 25 countries. Radeeyah is 8 grade student at British Overseas School in Karachi. She will depart to Orlando Florida on February 16, 2019 for internship program. source:pakistantoday

 

Continue Reading
Click to comment

Leave a Reply

Your email address will not be published. Required fields are marked *

lifestyle

टुँडिखेलमा तमु ल्होसार उत्सव

Published

on

काठमाडौँको टुँडिखेलमा यस वर्षको तमु ल्होसार भव्य रूपमा सम्पन्न भएको छ। तमु गुरुङ समुदायको नयाँ वर्षका रूपमा मनाइने तमु ल्होसार यस वर्ष ‘त ल्हो’ अर्थात् घोडा वर्गको आगमनको रूपमा मनाइएको हो।

तमु गुरुङ समुदायले प्रत्येक वर्ष पौष १५ गतेलाई नयाँ वर्षका रूपमा संसारभर हर्षोल्लासका साथ तमु ल्होसार मनाउँदै आएको छ। यही अवसरमा काठमाडौँ उपत्यकाभर रहेका गुरुङ समुदायका सदस्यहरू टुँडिखेलमा भेला भई सांस्कृतिक कार्यक्रम, नाचगान र परम्परागत भेषभूषासहित ल्होसार मनाएका हुन्।

आफन्तजनसँग भेटघाट गर्ने, नयाँ वर्षको शुभकामना साटासाट गर्ने र आपसी सद्भाव बढाउने यो परम्परा सदियौँदेखि चल्दै आएको छ।

तमु ल्होसार मनाउन काठमाडौँको टुँडिखेलमा हजारौँ मानिसको उपस्थिति देखिएको थियो।

केहि तस्विरहरु :

Continue Reading

Feature

पहिलो तमू फोटो प्रतियोगिता सम्पन्न

Published

on

काठमाडौं — तमू ल्होसार २०८२ को अवसरमा अन्तर्राष्ट्रिय तमू काउन्सिल (आईटीसी) ले तमू (गुरुङ) सञ्चारकर्मी संघ नेपाल (एटजोन) सँगको सहकार्य तथा तमू ह्युल छोँज धीं गुरुङ राष्ट्रिय परिषद् काठमाडौंको समन्वयमा पहिलो तमू फोटो प्रतियोगिता आयोजना गरेको छ।

आईटीसीका महासचिव अधिवक्ता राजु गुरुङको अध्यक्षतामा सम्पन्न कार्यक्रममा आईटीसीकी सचिव रुपा गुरुङले सञ्चालन गर्नुभएको थियो। कार्यक्रममा तमू ह्युल छोँज धीं गुरुङ राष्ट्रिय परिषद्का वरिष्ठ उपाध्यक्ष डम्बरबहादुर गुरुङ, तमू ल्होसार मूल आयोजक समिति २०८२ का अध्यक्ष धर्मराज राजु गुरुङलगायतको उपस्थिति थियो।

प्रतियोगितामा गुरुङ समुदायका फोटो पत्रकारहरूले विभिन्न गुरुङ बस्तीमा खिचेका १६८ फोटो सहभागी गराएका थिए। तीमध्ये गुरुङ संस्कृति, परम्परा र रीतिरिवाज झल्किने २५ फोटो छनोट गरी प्रदर्शनीमा राखिएको थियो।

प्रदर्शित फोटोमध्ये उत्कृष्ट पाँच फोटो चयन गरी प्रथम, द्वितीय, तृतीय र दुई सान्त्वना पुरस्कार प्रदान गरिएको हो। प्रतियोगितामा राम गुरुङ प्रथम, युनिश गुरुङ द्वितीय र आश गुरुङ तृतीय भए। सान्त्वना पुरस्कार नवीनबाबु गुरुङ र सुजन गुरुङले प्राप्त गरेका छन्।

प्रथम, द्वितीय र तृतीय हुनेलाई क्रमशः १५ हजार, १२ हजार र १० हजार रुपैयाँ नगदसहित प्रमाणपत्र प्रदान गरिएको थियो भने सान्त्वना पुरस्कार विजेतालाई जनही तीन–तीन हजार रुपैयाँ प्रदान गरिएको थियो। पुरस्कार वितरण तमू ल्होसार महोत्सवअन्तर्गत पुस १४ गते काठमाडौंको टुँडिखेलमा गरिएको छ।

संस्थागत रूपमा पहिलो पटक आयोजना गरिएको यो फोटो प्रतियोगिता ऐतिहासिक र अर्थपूर्ण भएको आयोजकले बताएका छन्। फोटो प्रदर्शनीमार्फत तमू (गुरुङ) समुदायको संस्कृति, जीवनशैली र पहिचानलाई उजागर गरिएको तमू ह्युल छोँज धीं गुरुङ राष्ट्रिय परिषद्का वरिष्ठ उपाध्यक्ष डम्बरबहादुर गुरुङले बताए।

अन्तर्राष्ट्रिय तमू काउन्सिलले आगामी दिनमा थप विधा समेट्दै अझ बृहत् फोटो प्रतियोगिता तथा प्रदर्शनी आयोजना गर्ने प्रतिबद्धता जनाएको छ।

Continue Reading

Offbeat

प्रथम तमू फोटो प्रतियोगितामा राम गुरुङ प्रथम

Published

on

तमू ल्होसारको अवसरमा आयोजित प्रथम तमू फोटो प्रतियोगिता सम्पन्न भएको छ।

काठमाडौँस्थित तमू ह्युल छोँ धिँ गुरुङ राष्ट्रिय परिषदको परिसरमा आयोजित प्रतियोगितामा देशभरबाट गुरुङ समुदायमा रहेर पत्रकारितामा सक्रिय गुरुङ फोटो पत्रकारहरूले कैद गरेका गुरुङ समुदायको इतिहास, संस्कार र संस्कृतिलाई प्रतिबिम्बित गर्ने तस्बिरहरू समावेश गरिएको थियो।

देशभरबाट प्राप्त करिब १६८ तस्बिरमध्ये २५ तस्बिर छनोट गरिएको र तीमध्येबाट उत्कृष्ट पाँच तस्बिर चयन गरिएको संयोजक तथा तमू (गुरुङ) सञ्चारकर्मी संघ नेपालका अध्यक्ष लाला गुरुङले जानकारी दिए।

तमू ल्होसारको अवसरमा अन्तर्राष्ट्रिय तमू परिषद्को आयोजनामा तथा तमू (गुरुङ) सञ्चारकर्मी संघ नेपालको सहआयोजनामा प्रतियोगिता सम्पन्न भएको हो। प्रतियोगितामा राम गुरुङले खिचेको गुरुङहरूको पवित्र तीर्थस्थल दुधपोखरीमा स्नान गर्न परम्परागत पोशाकमा तीर्थयात्रामा जाँदै गरेका गुरुङ समुदायका सदस्यहरूको तस्बिरले प्रथम स्थान हासिल गरेको छ।

प्रथम स्थान हँसिल गर्न सफल राम गुरुङको फोटो

यस्तै, युवराज गुरुङले कैद गरेको तमूहरूको आदिम थलो क्होला सोथरमा भेडा चराउँदै गरेको तस्बिर दोस्रो स्थानमा परेको छ भने आश गुरुङले खिचेको भुजुङ गाउँमा प्रस्तुत घाँटु नाचको तस्बिरले तृतीय स्थान प्राप्त गरेको छ।

दोस्रो स्थान हासिलगर्न सफल युवराज गुरुङको तस्विर

प्रतियोगितामा गुरुङ समुदायको मौलिकता झल्काउने नवीनबाबु गुरुङ र सुजन गुरुङका तस्बिरहरूले सान्त्वना पुरस्कार प्राप्त गरेका छन्।

तेस्रो स्थान हासिल गर्न सफल आश गुरुङको तस्विर

तमू ल्होसारको अवसरमा आगामी पुस १४ गते काठमाडौँको टुँडिखेलमा पुरस्कार वितरण कार्यक्रम आयोजना गरिने संयोजक लाला गुरुङले जानकारी दिएका छन्।

Continue Reading

Facebook

Trending

Copyright © 2025 streetnepal.com